Focail Fáilte
Teachtaireacht ó Chomhchathaoirleach na Comhdhála
Den chéad uair i stair an Aontais seo againne, tháinig na trí institiúid uile den Aontas agus na parlaimintí náisiúnta le chéile chun plé a dhéanamh go díreach le saoránaigh na hEorpa, rud a d'fhág gurbh fhéidir leo a dtuairimí a thabhairt ar ár dtodhchaí choiteann.
Is éard a bhí ann ná gníomh, trínar cleachtadh an daonlathas ardánbhunaithe agus dioscúrsach, a raibh muidne, mar ionadaithe dírthofa do mhuintir uile na hEorpa, lándáiríre faoi. Ghlac 108 Feisire de Pharlaimint na hEorpa páirt i seisiún iomlánach na Comhdhála, ar lena linn a pléadh moltaí na saoránach. D'fhág na conclúidí ar ar thángthas mar chuid den phróiseas seo gur mó go mór ná cluas a thabhairt do na saoránaigh a rinneadh: slí ba ea é chun teacht ar fhreagraí comhchoiteanna ar thuairimí, ábhair dhóchais agus ábhair imní na saoránach.
Mar Chomhchathaoirleach ar an gComhdháil, ba mhór an onóir dom a bheith i gceannas ar Thoscaireacht Pharlaimint na hEorpa. I dteannta a chéile, chinntigh muid go raibh an-bheocht sa Chomhdháil ar Thodhchaí na hEorpa, agus go rabhthas in ann moltaí a dhéanamh le linn na Comhdhála a bhféadfaí tarraingt orthu chun an tAontas a chur in oiriúint don 21ú céad, agus fós páirt níos mó a thabhairt do na saoránaigh sa chomhthionscadal seo againne.
Conference on the Future of Europe: citizens demand more from the EU
The Conference on the Future of Europe concludes its work
Future of Europe: Conference Plenary ambitious proposals point to Treaty review
