Tús

Beart ar bheart

Tá na tionscnaimh ábhartha cur chun feidhme a bhaineann le gach ceann de bhearta na Comhdhála le fáil anseo. Laistigh de gach ceann de na naoi dtopaic a bhaineann leis an gComhdháil ar Thodhchaí na hEorpa, tá an rogha agat beart sonrach a roghnú agus féachaint ar na tionscnaimh chomhfhreagracha ar leibhéal an Aontais.

Faoi láthair, tá aghaidh tugtha ar níos mó ná trí cheathrú de bhearta CoFE trí thionscnaimh a chur chun feidhme. Ciallaíonn sé sin, i gcás na mbeart sin lena mbaineann, go bhfuil tionscnamh amháin nó níos mó ann a leanann an obair ar an mbeart go hiomlán nó go páirteach.

Féadfaidh na tionscnaimh cur chun feidhme atá i gceist a bheith de chineál reachtach nó neamhreachtach. Maidir lena stádas, beidh go leor acu curtha i gcrích, agus tá cuid acu fós ar siúl. I gcás nár sainaithníodh aon tionscnamh cur chun feidhme go fóill, léireofar é sin freisin. Tá gach tionscnamh cur chun feidhme nasctha le leathanach gréasáin ar a dtugtar faisnéis bhreise faoin tionscnamh agus faoin nós imeachta lena mbaineann.

Beidh gá le hathbhreithniú ar na Conarthaí chun roinnt beart CoFE a chur chun feidhme ina n-iomláine; rinneadh iad sin a mharcáil le réiltín ar an liosta. Tá tuilleadh eolais faoi athbhreithniú ar na Conarthaí agus faoi iarraidh na Parlaiminte ar athruithe le fáil ar leathanach tiomnaithe Athrú na gConarthaí.

Tá preaseisiúintí maidir le príomhthionscnaimh cur chun feidhme a bhaineann le tograí agus bearta na Comhdhála ar Thodhchaí na hEorpa ar fáil ar leathanach na bPreaseisiúintí.

Chun tús a chur le brabhsáil bhearta COFE agus na dtionscnamh cur chun feidhme a ghabhann leo, is féidir leat cliceáil ar aon cheann de na topaicí thíos nó topaic a roghnú sa roghchlár thuas.