Kliem il-ħoss
Messaġġ mill-Kopresident tal-Konferenza
Għall-ewwel darba fl-istorja tal-Unjoni tagħna, it-tliet istituzzjonijiet tal-UE u l-parlamenti nazzjonali ltaqgħu flimkien biex jiddiskutu direttament maċ-ċittadini Ewropej, u b'hekk setgħu jaqsmu l-ideat tagħhom dwar il-futur komuni tagħna.
Kien esperiment f'demokrazija bbażata fuq pjattaforma u deliberattiva li ħadna b'serjetà kbira, bħala rappreżentanti eletti direttament tal-Ewropej kollha. 108 Membri tal-Parlament Ewropew kienu parti mill-plenarja tal-Konferenza, fejn ġew diskussi l-proposti taċ-ċittadini. Il-konklużjonijiet li nsiltu minn dan il-proċess għamluha aktar minn eżerċizzju ta' smigħ: dan kien mod kif jinstabu tweġibiet komuni għall-ideat, it-tamiet u l-biżgħat taċ-ċittadini.
Bħala Kopresident tal-Konferenza, kien l-unur tiegħi li mmexxi d-Delegazzjoni tal-Parlament Ewropew. Flimkien, żgurajna li l-Konferenza dwar il-Futur tal-Ewropa kisbet momentum reali, u stajna nagħmlu proposti li jistgħu jikkontribwixxu biex l-UE tkun adattata għall-iskop tagħha fis-seklu 21, u fl-istess ħin inqarrbu l-proġett kondiviż tagħna lejn iċ-ċittadini.
Konferenza dwar il-Futur tal-Ewropa: iċ-ċittadini jitolbu aktar mill-UE
Il-Konferenza dwar il-Futur tal-Ewropa tikkonkludi l-ħidma tagħha
Il-Futur tal-Ewropa: Il-proposti ambizzjużi tal-Plenarja tal-Konferenza jindikaw reviżjoni tat-Trattat
